Australíat

Australía bekaanuni buth loi foóñsíbélla kucíc gorérde zehoníkka ré tarár asól dec ót waapes diya zaibou.

Australíar boóudhar ókkol zehoníkka'lla bon zará Australía bekaanuni foóñsíbélla kucíc gorér ar íin bon tákibou.

Éçe honó maali fáaida faibar nái Australía bekaanuni foóñsíbélla kucíc gorí yóre.

Tuáñr fémli yá dustó ókkol óre manúic blékgoróya ókkol ór misáhotár torfóttu bekuf bana zaitou nodiyó.

Manúic blékgoróya ókkol é tarár thiañ loibou ar tuáñr fémli hótarat óibou.

Australíat boicóti gorá honódin honíkkálla ekkán ektiyar noóibou zará eçé bekaanuni buth loi foóñsíbélla kucíc goró.

Operécen Maleki Boóudhar ókkol

Australíar Hókumot e soktó boóudhar héfazoti karwaiyi ókkol kaayem goijjé, doijjar lain e manúic blékgorá hótom goríbélla, doijjat jan or nuksan rukíbélla arde Australíar boóudhar ókkol óre héfazot goríbélla. Buth loi Australíat bekaanuni góli bellá saár de zehoníkka honódin Australíar ré gór no banaibóu.

This poster represents the 'you will be turned back' policy. The poster directs the reader to www.australia.gov.au/novisa

Operécen Maleki Boóudhar ókkol ór andhár ot, zehoníkka ze Australíat bekaanuni buth loi sofór goríbélla kucíc goré tarár dec ót waapes diya zaibou zintú tará neeli aiccé.

Australíat boicóti gorá honódin ekkán ektiyar noóibou zehoníkka’lla ze bekaanuni buth loi sofór gorér.

Kaanun ókkol fottízon ór uore lagaza; fémli ókkol, fuain, ekála fuain, fonná óla arde mahéri óla. Éçe honó bat dibar ókkol nái.

Hóboror Hótian: OZBUT ARDE AMÓN BOÓUDHAR ÓKKOL ÓR 1000 DIN ÓKKOL

Tuáñr thiañ sárhar no goijjó – manúic blékgoróya ókkol é misá hoór

Manúic blékgoróya ókkol óre thiañ diyóre, tuáñr fémli arde dustó ókkol ór héfazot oré hótarat no dháillo. Zodi tuáñr fémli arde dustó ókkol Australíat buth loi víza uggwá sára sofór goré taráre Australíat boicóti gorá nozaibóu.

Taráre refúji ókkol hísafe kobul gorá gilé yó, taráre Australíat boicóti gorá nozaibóu.

Karwaiyi iín óre age loti aná giyé manúic blékgoróya ókkol óre rukíbélla ar doijjat aró jan or luksan rukíbélla.

Indonesíat UNHCR loi rejisthar goróon

Indonesía’ttu refúji boicóti gorálla Australíar Hókumot e tar kaanun ókkol óre bodoli félaiye.

Zodi tuñí Indonesía zo ar Indonesíat UNHCR loi rejisthar goró Julai 1 tarík 2014 ót yá yían ór baade tuáñre Australíat boicóti goríbélla báfa nozaibóu.

1 tarík Julai 2014 or age Indonesíat UNHCR loi rejisthar gorá giyéde maincóre Australíar torfóttu diya giyéde boicóti zaga ókkol ór ginoti homai félagiyé.

Kaanun ókkol fottízon ór uore lagaza. Éçe honó bat dibar nái.

Hákikot habos