ورقة بتاعت معلومات: معلومات للناس الموجودين جوّه أستراليا

عمليات بتاعت السيادة على الحدود دي شنو؟

عمليات بتاعت السيادة على الحدود هي عمليات عملتا الحكومة الأسترالية بقيادة عسكرية عشان تأمين الحدود، وهدف بتاعا مكافحة تهريب البشر بالبحر وحماية الحدود الأسترالية.

أستراليا ملتزمة بالقضاء على نشاط بتاع تهريب البشر الإجرامي ومنع الناس الضعفاء من المخاطرة بحياتهم لمّن يجو لأستراليا بقوارب خطرة.

آخر قارب بتاع تهريب بشر قدر يدخل أستراليا قبل تلاتة سنين. وكل قوارب تهريب البشر الحاولت تصل لأستراليا اعترضوها ورجعوها للدولة الجات منها.

سياسات حماية حدود أستراليا دي شنو؟

أستراليا عملت تدابير صارمة لحماية الحدود عشان مكافحة أنشطة تهريب البشر وعشان يمنعو خسائر الأرواح في البحر ويحمو الحدود الأسترالية.

أي زول يحاول يجي لأستراليا عن طريق القوارب وبدون تأشيرة حا يرجعوه للدولة الغادر منها، والاستيطان في أستراليا ما حا يكون خيار متوفر ليو. ولو عائلتك وأصحابك حاولو يجو بي قارب بدون تأشيرة، ما حا يصلو لأستراليا.

هل القوانين بتنطبق على كل زول؟

أيوه. أي زول يحاول يجي لأستراليا عن طريق القوارب بطريقة غير مشروعة حا يرجعوه للدولة الغادر منها. القوانين بتنطبق على كل الناس: الأسر والأطفال، والأطفال البجو براهم، والمتعلمين والعُمال المَهرَة – مافي أي استثناءات.

ما تثق في مهربين البشر، ناس ديل كضابين...

نحن عارفين أنو مهربين البشر بكضبو طوالي على الناس اليائسين الدايرين يستوطنو في أستراليا. مهربين البشر ديل مجرمين وحا يشيلو قروش بتاعتك ويعرِّضو حياتك للخطر.

مهربين البشر حا يقولو لأصحابك أنو الوصول لأستراليا ساهل، أو أنو السياسات بقت مُخففة. قول ليهم ما يصدقو كضب ده، هُم ما حا يقدرو يستوطنو في أستراليا بدون تأشيرة سارية. حكومة أستراليا ما غيرت ولا حا تغير موقفها القوي.

مهربين البشر حا يقولو ليهم أنو القوانين ما بتنطبق عليهم، أو أنو القانون حا يتغير قريب. القوانين بتنطبق على عائلتك وأصحابك، ومافي أي استثناءات. ما تخليهم يسافرو!

أي زول يحاول يجي لأستراليا عن طريق القوارب بطريقة غير مشروعة، ما حايتم توطينو في أستراليا. كلم عائلتك وأصحابك أنو يفكرو كويس قبل ما يضيعو قروش بتاعتم.

كيف ممكن عائلتي وأصحابي يستوطنو في أستراليا؟

الناس البفكرو يستوطنو في أستراليا أو العندهم أصحاب وأسر بفكرو يستوطنو في أستراليا لازم يتذكرو أنو في طريقة مشروعة عشان يجو بيها لأستراليا. ولو حاولو يجو لأستراليا بطريقة غير مشروعة، ما حايتم يتم توطينهم أبداً في أستراليا.

The Department of Immigration and Border Protection عندها برنامج خارجي بتاع إعادة التوطين، كجزء من برنامج بتاع الحكومة الأسترالية لتوطين اللاجئين والاعتبارات الانسانية. وفي البرنامج ده، بتم إعادة توطين الناس المحتاجين للمساعدة على أساس إعتبارات إنسانية في أستراليا وماعندهم أي خيار دائم تاني متوفر ليهم.

بالنسبة للناس المامؤهلين للبرنامج الخارجي بتاع إعادة التوطين ودايرين يجو لأستراليا للشغل، ناس ديل لازم يقدمو طلب لتأشيرة عمل.

لو انت دايرمعلومات زيادة عن طرق الهجرة المشروعة، خش في موقع انترنت بتاع Department of Immigration and Border Protection: http://www.border.gov.au